Arbed
Mae sawl ffordd o arbed ynni a lleihau’ch biliau ynni y gaeaf hwn. Mae pob cam bach yn arwain at arbediad mwy a bydd yn cadw’ch cartref yn gynnes a chlyd.
Arbed ar wresogi
- Os oes gennych chi amserydd ar eich system gwres canolog, gosodwch y gwres a’r dŵr poeth i ddod ymlaen pan fyddwch eu hangen yn unig.
- Os ydych chi’n troi’ch prif thermostat i lawr 1 radd, gallwch arbed tua £60 ar eich bil ynni. Ond gofalwch fod eich cartref dal i fod yn ddigon cynnes yn ystod y tywydd oer.
- Gallai gosod thermostat ystafell, rhaglennydd a falfiau thermostatig ar eich rheiddiaduron a’u defnyddio nhw’n ddoeth arbed oddeutu £75 y flwyddyn i chi.
- Caewch eich llenni fin nos i atal gwres rhag dianc drwy’r ffenestri a chwiliwch am ddrafft o gwmpas ffenestri a drysau.
- Gall atal drafft o’ch ffenestri a’ch drysau a llenwi craciau mewn lloriau a byrddau sgyrtin arbed oddeutu £25 y flwyddyn ar filiau ynni.
- I wneud y gorau o'r gwres rydych chi'n talu amdano, fe allech chi gael Mesurydd Clyfar i helpu i olrhain a rheoli'ch defnydd o ynni.
Arbed ar offer
- Gall diffodd eich offer yn llwyr yn lle’i adael ar fodd segur arbed £35 y flwyddyn i chi, a chofiwch beidio â gadael gliniaduron a ffonau symudol ar wefr yn ddiangen.
Arbed yn y gegin
- Defnyddiwch bowlen i olchi llestri yn hytrach na rhedeg tap, defnyddiwch eich peiriant golchi unwaith yn llai bob wythnos, a llenwch y tegell gyda faint o ddŵr rydych chi ei angen yn unig a gallech arbed oddeutu £39 y flwyddyn yn y gegin.
Arbed yn yr ystafell ymolchi
- Treuliwch funud yn llai yn y gawod bob dydd a gallai teulu o bedwar arbed £75 y flwyddyn ar filiau ynni a dŵr.
- Mae tap sy’n rhedeg yn gwastraffu 6 litr o ddŵr bob munud, felly trowch y tap i ffwrdd wrth frwsio eich dannedd, eillio neu olchi’ch wyneb.
- Gallai newid pen cawod aneffeithlon am un sy’n defnyddio dŵr yn effeithlon arbed £38 y flwyddyn ar filiau nwy ac oddeutu £53 ar filiau dŵr i aelwyd o bedwar.
Arbed ar oleuadau
- Diffoddwch eich goleuadau pan nad ydych chi’n eu defnyddio. Os ydych chi’n diffodd golau am rai eiliadau’n unig, byddwch yn arbed mwy o ynni na’r hyn y mae’n ei gymryd i’r golau gynnau eto. Bydd hyn yn arbed oddeutu £15 y flwyddyn i chi ar eich biliau ynni.
- Newidiwch eich bylbiau pan allwch chi am rai LED sy’n defnyddio ynni’n effeithlon – gallai arbed oddeutu £40 y flwyddyn i chi ar filiau ar gyfartaledd.
Ffyrdd eraill o arbed
Gall mesuryddion clyfar eich helpu i olrhain eich defnydd o ynni a deall lle y gallwch wneud newidiadau a all arbed arian ar eich biliau ynni - gofynnwch i'ch cyflenwr ynni am drefnu gosodiad.
Am ragor o wybodaeth am y gwahanol ffyrdd y gallwch leihau eich biliau ynni dros y gaeaf:
https://energysavingtrust.org.uk/home-energy-efficiency
Os ydych chi’n byw yn Lloegr, gall y Grant Cartrefi Gwyrdd ddarparu talebau gwerth hyd at ddwy ran o dair o’r gost o uwchraddio effeithlonrwydd ynni eich cartref. Edrychwch i weld a yw’ch cartref yn gymwys am grant ar wefan Llywodraeth y DU.
Os ydych chi’n byw yng Nghymru, cysylltwch â chynllun Nyth Llywodraeth Cymru ar 0808 808 2244 i weld a ydych chi’n gymwys am becyn o welliannau effeithlonrwydd ynni cartref am ddim fel boeler newydd, gwres canolog neu inswleiddio.
Mae Arbed yn dweud